Höddi Magg verður gestaspyrill á fimmtudagskvöldið klukkan 20. Keppnin fer fram á English Pub í Flatahrauni 5a í Hafnarfirði. Flott verðlaun, bjórspurningin, tveir saman í liði og ókeypis þátttaka. Allir sparkspekingar velkomnir.

Reglur:

Form keppnanna er hefðbundið þar sem tveir og tveir eru saman í liði og eru stakir menn einfaldlega paraðir saman á staðnum. Spurningarnar eru 30 talsins og tengjast allar fótbolta á einn eða annan hátt. Liðin skrifa svör sín niður á blað og þegar búið er að lesa upp allar spurningar skiptast menn á svarblöðum og er farið yfir svörin í sameiningu. Loks eru stigin talin saman. Séu tvö lið eða fleiri jöfn í efsta sæti er gripið til bráðabanaspurninga. Ein spurningin er svokölluð bjórspurning en með því að svara henni rétt vinna liðin sér inn einn stóran og ískaldan á barnum.

Ekki þarf að skrá sig sérstaklega til leiks heldur bara að mæta á svæðið með lukkupennann í vasanum. Þátttaka er mönnum að kostnaðarlausu.

Við á www.fhingar.net höfðum samband við Lúðvík Arnarson varaformann knattspyrnudeildar FH um stöðu mála varðandi málefni leikmanna og til að forvitnast um hver verði næsti aðstoðarþjálfari FH liðsins.     "Í fyrsta lagi þá er það svo eins og komið hefur fram að Jörundur Áki mun ekki verða áfram með Heimi með FH liðið á næsta ári.    Fyrir hönd stjórnar knattspyrnudeildar FH vil ég auðvitað þakka Jörundi Áka fyrir frábært framlag hans á undanförnum fjórum árum.   Hann hefur verið mikilvægur hlekkur í þeim árangri sem náðst hefur á þessum tíma auk þess að vera frábær félagi.    Nú hefur Heimir ákveðið að skipta um aðstoðarmann eins og gengur og gerist í þessum bransa.   Heimir er að vinna í því að finna sér nýjan aðstoðarmann og vonandi getum við gengið frá ráðningu í þá stöðu á allra næstu dögum".

Aðspurður um leikmannamálin sagði Lúðvík " Við höfum nú þegar endurnýjað samninga við Björn Daníel, Viktor Örn og Pétur, og erum í viðræðum við Atla Guðna og Ólaf Pál um nýja samninga.    Freyr Bjarnason er að skoða sín mál og standa vonir til að hann spili alla vega eitt tímabil í viðbót.    Þá eru Ásgeir Gunnar og Guðmundur Sævarsson báðir að renna út á samning og munum við setjast niður með þeim á næstu dögum til að ræða framhaldið".  

Aðspurður um hvort það stæði til að fá einhverja nýja leikmenn í liðið, sagði Lúðvík "sem stendur erum við að vinna í okkar leikmönnum sem eru með lausan samning og það er auðvitað forgangsverkefni.   Auðvitað eru einhverjar hugmyndir um að styrkja leikmannahópinn en um það er í raun ekkert annað að segja á þessu stigi málsins".

Kosið er um tvo flokka í kjöri stuðningsmanna og www.FHingar.net!

Besti Leikmaðurinn:

Besta Markið:

sendið ykkar atkvæði á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.