Sóknarmaðurinn snjalli Atli Guðnason hefur skrifað undir nýjan samning við FH.   Samningur Atla er til tveggja ára en Atli hefur verið lykilmaður í FH liðinu undanfarin ár.  Hann er uppalinn hjá félaginu og hefur verið fastamaður í liðinu eftir að Heimir Guðjónsson tók við FH árið 2008.  Tímabilið 2009 var hann valinn besti leikmaður Íslandsmótsins en það tímabil skoraði Atli 10 mörk.  Hann glímdi við töluverð meiðsli í fyrra en átti frábæra leiki með liðinu nú seinni partinn á tímabilinu. 

Frábærar fréttir fyrir Fimleikafélagið.