Velkomin á www.FHingar.net

Þri 13.sep 2005 Orðsending frá Landsbankanum Þeir FH ingar sem eru í viðskiptum hjá Landsbankanum geta nú sett ljósmyndir sem teknar voru á sigurhátíðinni á sunnudag á greiðslukortin sín og framlengt sigurvímuna. Slóðin er www.landsbanki.is.

Mán 12.sep 2005 I'll always remember Ali B 3. september var haldið kveðjuhóf fyrir Allan Borgvardt en eins og lesendur vita er hann kominn á mála hjá Viking í Stavanger. Við það tækifæri samdi Jón Ragnar Jónsson texta til heiðurs Allan við gamla Animalsslagarann "Don't let me be misunderstood". Nokkuð hefur verið kallað eftir því að fá að sjá textann við lagið og því höfum við bætt honum við laga og textasafnið.		Mán 12.sep 2005 Bikarúrslitaleikur á morgun 2. flokkur karla mætir Fram í úrslitum bikarkeppninnar á morgun klukkan 17:15. Leikurinn fer fram á Valbjarnarvelli og við hvetjum alla að mæta, berja stjörnur framtíðarinnar augum og auðvitað styðja okkar menn til sigurs!

Mán 12.sep 2005 Vel heppnað bingó um helgina Um helgina fór fram bingóhátíð á Áttunni þar sem Mafíumeðlimir og fleiri mættu til að safna fé til styrktar langveikum börnum. Gríðarleg stemmning var í salnum og ruku vinningarnir, sem voru 100, út eins og heitar lummur. MEIRA		Sun 11.sep 2005 Óformlegur fagnaður á áttunni í kvöld Heyrst hefur að stuðningsmenn FH ætli að gera sér glaðan dag á Áttunni í kvöld. Óstaðfestar heimildir segja að leikmenn ætli að stinga inn hausnum seinnihluta kvölds og að Jón Ragnar Jónsson muni flytja lag sitt "I'll always remember Ali B" sem hann samdi Allan Borgvardt til heiðurs.

Sun 11.sep 2005 Blendnar tilfinningar er bikarinn fer á loft Það var skrýtin tilfinning að sjá bikarinn fara á loft eftir ansi hreint slaka frammistöðu FH-inga og tap gegn Fylkismönnum í dag. Við skrifum meira um leikinn síðar en viljum biðja menn að telja upp að tíu áður en þeir skrifa inn á spjallborðið, hvort heldur sem það er til að ræða um frammistöðu FH-inga eða dómara leiksins. Þegar allt kemur til alls skipti hann ekki sköpum um úrslitin.		Lau 10.sep 2005 Gríðarlega mikilvægur sigur! Meistaraflokkur kvenna sigraði í dag Þór/KA/KS í fyrri leik liðanna um sæti í úrvalsdeild að ári. Stelpurnar léku mjög sannfærandi og lokatölurnar urðu 4:1. Sif Atladóttir skoraði tvö fyrstu mörkin, það seinna sérlega glæsilegt. Guðrún Sveinsdóttir geystist þá upp hægri kantinn og sendi frábæran bolta á kollinn á Sif sem beið eins og gammur fyrir framan markið. MEIRA

Lau 10.sep 2005 FH-Fylkir upphitun Síðasti heimaleikur sumarsins er í vændum og enginn smá leikur þar á ferðinni. Loksins, loksins mun Íslandsmeistaratitillinn fara á loft í Kaplakrika og fer dagurinn svo sannarlega í sögubækurnar. En tímabilið er ekki búið og er erfiður leikur í vændum. Fylkir er með hörkulið sem ætlar án efa að láta okkar menn finna til tevatnsins. Það verða því stálin stinn sem mætast á morgunn. MEIRA		Lau 10.sep 2005 FH-Fylkir, Frítt á völlinn! Í tilefni þess að FH mun formlega taka við Íslandsmeistarabikarnum, eftir leik FH og Fylkis, annað árið í röð verður öllum Hafnfirðingum og nærsveitungum boðið frítt á völlinn. Troðfyllum Krikann og sjáum bikarinn fara á loft í Kaplakrika í fyrsta skipti í sögu FH. Áfram FH!

Mið 07.sep 2005 Orðsending frá Landsbankanum Við vorum beðnir að koma eftirfarandi á framfæri frá Landsbankanum: MEIRA		Þri 06.sep 2005 FH bingó á laugardag Laugardaginn 10. september munu stuðningsmenn FH halda bingókvöld á Áttunni Trönuhrauni 10. Heimir Guðjónsson mun stýra útdrætti og verðlaunin eru stórglæsileg. Meðal vinninga eru ýmsar FH vörur, ljósakort og 30 þúsund króna innborgun á boltaferð með Úrvali Útsýn. Allur ágóði mun renna til langveikra barna. Bingóið byrjar klukkan 21:00 og er aldurstakmark 20 ár. Heppnist þetta vel eru allar líkur á að reynt verði að halda bingó fyrir yngri FH-inga. Láttu sjá þig, hittu aðra FH-inga og styddu gott málefni. Haukamenn eru sérstaklega boðnir velkomnir.

Þri 06.sep 2005 Emmi Hall að brillera Emil Hallfreðsson átti góðan leik fyrir U-21 lið Íslands í dag en Ísland lék gegn Búlgaríu og lyktaði leiknum með 1:3 sigri okkar manna. Búlgarar komust yfir í seinni hálfleik en Pálmi Rafn Pálmason jafnaði leikinn skömmu síðar eftir sendingu frá Emma. Emmi skoraði svo sjálfur annað mark Íslands en Garðar Gunnlaugsson bætti svo við marki.		Mán 05.sep 2005 Allan Borgvardt kvaddur Síðastliðinn laugardag var Allan Borgvardt kvaddur með virktum af knattspyrnudeild FH. Við það tilefni sýndi Allan nokkrar af þeim myndum sem hann hefur málað að undanförnu en hann hefur lagt sérstaklega fyrir sig að mála poppstjörnur. Þarna voru saman komnir leikmenn og stjórnarmenn knattspyrnudeildar. MEIRA

Sun 04.sep 2005 Jón Örn Guðmundsson er FH-ingurinn Jón Örn Guðmundsson er FH-ingurinn. Þúsundþjalasmiðurinn og snillingurinn Jón Örn Guðmundsson hefur lengi verið einn ötulasti stuðningsmaður FH og lætur sig aldrei vanta á leiki Fimleikafélagsins. Smelltu hér til að sjá hvað Jón Örn hefur að segja.		Fös 02.sep 2005 Hópleikur FH - 1x2 getraunir Kæru FH-ingar, nú er enski boltinn byrjaður að rúlla og þá þýðir ekkert annað en að byrja að spá í leikina og vera með í skemmtilegum leik. Undanfarin 13 ár hefur verið starfrækt getraunaþjónusta á laugardögum í félagsheimili okkar í Sjónarhóli. MEIRA

Þri 30.ágú 2005 Áskorun! Meistaraflokkur kvenna etur kappi við Valsstúlkur á morgun, miðvikudag klukkan 18:30. Stelpurnar sitja sem stendur í 6. sæti og vilja að sjálfsögðu sleppa við það 7. en liðið sem endar þar þarf að spila við liðið sem lendir í öðru sæti fyrstu deildar um sæti í efstu deild að ári. Við viljum skora á Mafíuna að mæta með trommur og styðja vel við bakið á stelpunum í þessum gríðarlega mikilvæga leik!		Þri 30.ágú 2005 Samkomulag hefur náðst milli Allans og Viking Allan Borgvardt hefur skrifað undir samning við Viking sem nær út tímabilið 2005. MEIRA

Mán 29.ágú 2005 Maður leiksins gegn ÍA Við völdum Frey Bjarnason mann leiksins gegn ÍA og heyrðum aðeins í honum af því tilefni. MEIRA		Mán 29.ágú 2005 Allan Borgvardt til Viking Stavanger Allan Borgvardt hefur leikið sinn síðasta leik fyrir FH í bili en í morgun var frá því gengið að hann fer til Viking Stavanger í Noregi. Frá þessu greindi Fótbolti.net rétt í þessu. Við segjum ítarlegar frá málinu síðar en óskum Allani velfarnaðar hjá nýju félagi og þökkum honum um leið hans þátt í velgengni FH síðustu ár.

Sun 28.ágú 2005 ÍA 2 - FH 1 Það ætlar að reynast FH erfitt að ná markmiðum sínum í sumar ef undan er skilinn Íslandsmeistaratitillinn. Stefnan var auðvitað sett á að slá met sem aldrei yrði slegið - að sigra í öllum leikjum mótsins. Skagamenn sáu hins vegar til þess að það yrði ekki og fögnuðu um leið 400. sigri sínum. Til hamingju með það Skagamenn. MEIRA		Sun 28.ágú 2005 Áttan í dag Eins og hefur komið fram halda rútur frá Áttunni, Trönuhrauni klukkan 16:30 í dag. Þeir sem hafa áhuga geta hitað upp á Áttunni en þar byrjar ballið klukkan 12:30 með leik Middlesboro og Charlton. Klukkan 15:00 verður svo leikur Newcastle og Manchester United sýndur.

<< Nýrri fréttir Eldri fréttir >>