FH spilar í A-deild, riðli nr. 2. Fyrstu tveir leikirnir í riðlinum fóru fram í gær en þá unnu Keflvíkingar Völsunga og HK sigraði Fram. FH-ingar eru deildarbikarmeistarar frá því í fyrra og eiga því titil að verja.

Heimasíðumál þeirra KR-inga eru með ágætum. Aðalsíðan þeirra er www.kr.is og má þar finna fréttir frá öllum deildum félagsins. Stuðningsmannasíðan er svo www.krreykjavik.is. Þar fara fram öllu fjörugri umræður og er spjallið hjá þeim með því virkara sem þekkist. Sjaldan eru menn þó sammála.

KR
KR-ingar hafa styrkt sig töluvert frá síðasta tímabili. Ber þar helsta að nefna Grétar Ólaf Hjartarson, markaskorarann mikla frá Grindavík og baráttuhundinn Bjarnólf Lárusson frá ÍBV. Einnig voru að berast þær fréttir að þeir væru að fá til liðs við sig leikmann frá Honduras, Joel Helmis Matute. KR-ingar hafa einnig skipt um þjálfara í brúnni. Willum Þór fór til Vals en fyrrum þjálfari Eyjamanna Magnús Gylfason tók við KR. Af þessu má ljóst vera að KR-ingar ætla sér stóra hluti í deildarbikarnum sem og öðrum keppnum í ár.

FH
FH-ingar sigruðu Reykjavíkurmótið síðastliðin fimmtudag þegar þeir lögðu Valsmenn í úrslitaleik. Fyrir það fengu þeir silfurpening en Valsmenn sem urðu Reykjavíkurmeistarar hömpuðu bikar fyrir að vera í öðru sæti. Spurning hvort þeir þori að bjóða liðum frá öðrum sveitarfélögum í framtíðinni.

Það er frekar líklegt að sama liðið fái að hefja leikinn gegn KR og hóf leikinn gegn Val, þ.e.a.s. ef allir eru heilir. Liðið var þannig skipað:

Daði
Gummi - Sverrir - Auðun - Hermann
Gamli - Heimir Guðm.
Ólafur Páll
Pétur - Ármann - Atli Viðar

Spá
Þetta verður alls ekki auðveldur leikur. KR-ingar koma dýrvitlausir til leiks, þó það væri ekki nema til að rétta við tölfræðina gegn FH. Við spáum samt sömu tölum og í síðasta leik eða 2-0 fyrir FH.

Annað
Dómari: Gylfi Þór Orrason.
Veður: Þetta er inni.

Íslandsmeistarar 2004