Mynd: this.is/fh

Þróttarar hafa spilað þrjá leiki á Reykjavíkurmótinu. Fyrsta leikinn gegn Leikni unnu þeir með einu marki gegn engu, síðan töpuðu þeir gegn KR 1-0 og gerðu svo jafntefli gegn Víkingum 2-2. Þeir hafa verið brokkgengir í þessum fyrstu leikjum sínum á nýju ári, rétt eins og flest liðin sem taka þátt í þessu Reykjavíkurmóti.

FH-ingar sigruðu KR-inga nokkuð örugglega í síðasta leik. KR-ingar hófu leikinn með miklum látum en eftir að Pétur Sigurðsson skoraði seint í fyrri hálfleik var allur vindur úr þeim og sigurinn hefði að ósekju getað orðið miklu stærri.

Þróttur
Þróttarar undir stjórn Ásgeirs Elíassonar unnu sér sæti í efstu deild á síðasta tímabili eftir harða keppni við HK. Þeir hafa sýnt í gegnum tíðina að þar er fullt af efnilegum strákum að koma upp en stöðugleikann hefur vantað og því hafa þeir verið að jójóast á milli deilda síðustu ár. Það er alveg ljóst að þeir ætla sér að festa sig í sessi í efstu deild og því munu þeir leggja mikið á sig til að ná því markmiði.

FH
Líklegast munu Óli og Leifur ekki breyta byrjunarliðinu sem hóf leikinn gegn KR. Vörnin var fyrnasterk og kantspilið var mun betra en í fyrri leikjum. Daði kom sterkur inn í liðið og það er nánast hægt að bóka að Pétur skorar, enda búinn að skora öll mörk FH í mótinu. Byrjunarliðið verður því með þessu móti:

Daði
Sverrir - Auðun - Freyr
Gummi                        Hermann
Gamli - Heimir
Ólafur Páll
Pétur - Ármann Smári

Spá
Leikurinn gegn Þrótti verður mjög spennandi. Bæði liðin ætla sér áfram og því mun  verða barist til síðasta blóðdropa. Við spáum því þó að vörnin haldi í leiknum og úrslit verði 0-2 þegar upp verður staðið.

Annað
Dómari leiksins: Egill Már Markússon

Fyrir þá sem hafa hugsað sér að fara á leikinn þá kostar 500 kr. inn.

Íslandsmeistarar 2004