Mynd: Martin O'Boyle

Bjarni Þór með stórleik!
Unglingalið Everton, með Bjarna Þór í fararbroddi,  vann stórsigur á Yeovil Town í gærkveldi og það kom þeim áfram í fimmtu umferð í FA unglingabikarnum, 6-0 voru lokatölur á Huish Park sem er heimavöllur Yeovil. Bjarni stóð sig með prýði og gerði tvö mörk.

Á tuttugustu mínútu leiksins var Bjarni Þór næstum því búinn að skora. Hann fór fram og til baka á milli tveggja varnarmanna áður en hann skaut en markmaðurinn náði að slá boltann í stöng og þaðan fór hann í horn.

Þeir bláu tóku nú öll völd á vellinum og á 38. mínútu skoraði Everton sitt fyrsta mark en þar var að verki Paul Hopkins eftir góðan undirbúning frá Bjarna Viðars á vinstri kantinum. 1-0

Á 69. mínútu komst James Vaughan, leikmaður Everton, inn í slæma sendingu frá varnarmönnum Yeovil og hljóp í átt að marki en markvörðurinn hirti af honum boltann. Þá kom enginn annar en Bjarni Þór, náði boltanum og skoraði glæsilegt mark með því að skjóta yfir varnarmennina og í netið og kom Everton þannig í 3-0.

Eftir að venjulegum leiktíma var lokið sendi fyrrnendur Vaughan boltann á Bjarna sem skoraði sjötta mark Everton en leiknum lyktaði 6-0.

Téður Vaughan virtist vera allt í öllu og ekki ólíklegt að við eigum eftir að sjá hann á skjánum fyrr en síðar.

Hægt er að nálgast alla leikskýrsluna á vef Everton.

Emil Hallfreðs spilaði varaliðsleik með Tottenham á dögunum þar. Tottenham komst yfir með víti sem kom upp úr sendingu Emils. Það má sjá mynd af kappanum í aksjón í leikskýrslunni. Leikurinn endaði 1-1

Við þökkum fréttaritara okkar úr erlendu deildinni kærlega fyrir.

Íslandsmeistarar 2004