Mynd: [email protected]

Fullt nafn:  Guðmundur Sævarsson

Gælunafn: Gummi, Gvendur, stundum kallaður Refurinn

Aldur: 25 ára

Giftur/sambúð: Í sambúð með Helenu Björk Jónasdóttur

Börn: Embla, 2ja mánaða

Hvað eldaðir þú síðast? Pasta með ólívum, parmesan og einhverju sulli

Hvað vilt þú fá á pizzuna þína? sveppi, papriku, lauk, aukaost

Hvernig gemsa áttu? Nokia ????

Uppáhaldssjónvarpsefni? Boltinn, raunveruleikasjónvarpsþættir, annars er ég svo mikill glápari að það er erfitt að velja á milli

Besta bíómyndin? Kill Bill var að koma sterk inn, Pulp Fiction, Goodfellas

Hvaða tónlist hlustar þú á? Alæta, annars eru Outkast flottir þessa dagana

Uppáhaldsútvarpsstöð? Skonrokk

Uppáhaldsdrykkur? ískalt klakavatn

Uppáhaldsvefsíða? this.is/fh

Ertu hjátrúarfullur fyrir leiki (ef já, hvernig þá?)? Nei

Hvernig er best að pirra andstæðinginn? Klobbinn fer oft illa í menn

Hvaða liði myndir þú aldrei spila með? Aldrei að segja aldrei

Hvert var átrúnaðargoð þitt á yngri árum? Kókaínhausinn (Maradona)

Erfiðasti andstæðingur?  Gunnlaugur Jónsson er erfiður viðureignar

EKKI erfiðasti andstæðingur? Leifur Garðars í reit

Besti samherjinn? Heimir Guðjóns er alltaf traustur

Sætasti sigurinn? 7-0 sigurinn á KR var sætur

Mestu vonbrigði? Það var sárt að sjá eftir bikarnum til Skagamanna í fyrra

Uppáhalds lið í enska boltanum? Liverpool

Uppáhaldsknattspyrnumaður? Ronaldinho, Kaká hjá AcMilan er líka allt í lagi

Besti íslenski knattspyrnumaðurinn fyrr og síðar? Eiður Smári

Efnilegasti knattspyrnumaður landsins?  Sverrir buff gæti náð langt

Fallegasti knattspyrnumaðurinn í deildinni? Pass, en það er einn rauðhærður sem er að gera það gott í auglýsingabransanum, hann er ansi laglegur

Fallegasta knattspyrnukonan?  Hildur Sævars, hún er farin að sprikla aftur

Grófasti leikmaður deildarinnar? Stefán Þórðarson

Besti íþróttafréttamaðurinn? Höddi Magg

EKKI besti íþróttafréttamaðurinn? það er einn þarna á RÚV sem er ekkert sérstakur

Hver er mesti höstlerinn í liðinu? Það eru flestir búnir að festa sig, en ungu strákarnir eru eitthvað að reyna

Hefurðu skorað sjálfsmark? Man það ekki, maður er fljótur að gleyma slíku

Segðu okkur frá skemmtilegu atviki sem gerst hefur í leik:
Við vorum að spila fyrir norðan á móti Þór og það gekk eitthvað illa, hinn pollrólegi bakvörður Freyr Bjarnason var eitthvað lengi í gangi og fyriliðinn Heimir Guðjónsson sá ástæðu til í að hrista aðeins uppí honum, Heimir sneri sér að honum og sagði "farðu nú að setja straum á þig drengur", þessi frasi hefur verið notaður óspart í Fimleikafélaginu síðan

Spilar þú Championship Manager tölvuleikinn? Nei, ekki lengur

Hvenar lékstu þinn fyrsta leik með meistaraflokki? 1996, á móti Víking, spilaði frammi með Hödda Magg, við unnum 1-0 og mig minnir að Davíð Óla (dvergurinn) hafi skorað sigurmarkið

Hvernig finnst þér Fótbolti.net? Fín síða, alltaf ferskar fréttir þar

Kíkir þú oft á Fótbolti.net? Alltaf þegar ég fer á netið