Velkomin á www.FHingar.net

Fös 26.sep 2003
Bikarinn í Krikann
Leikurinn (með greini) er á laugardaginn. Hvað getur maður sagt fyrir svona leik? Á maður að gera eins og leikmenn, fara úr bænum á föstudaginn og koma svo beint í leikinn, einbeittari en nokkru sinni fyrr?

Á maður að undirbúa sig eins og fyrir hvern annan leik eða á maður að gera eitthvað allt annað? Þó að þessar spurningar séu nú reyndar eingöngu til að hafa einhvern inngang í þennan pistil, þá er samt gott að velta þeim fyrir sér.
Eins og allir gera sér grein fyrir þá er þessi leikur gríðarlega mikilvægur fyrir okkur FH-inga. Þessi leikur getur fært okkur FH-ingum, í fyrsta skipti, stóran alvöru titil. En það verður erfitt. Skagamenn hafa vissulega hefðina með sér og ættu að þekkja það manna best hvað það er að spila Bikarúrslitaleik. Í okkar liði eru hins vegar aðeins tveir sem hafa spilað í bikarúrslitum áður. Ég tel hins vegar að það sé ekkert að óttast, það vita það allir að Skagamenn eru upp til hópa verkamenn og hungrið hlýtur að vera gríðarlegt hjá okkur!!!
FH liðið er á gríðarlegri siglingu og er með sjálfstraustið í lagi. Á laugardaginn er það skylda okkar stuðningsmanna að skila okkar verkefni eins og best verður á kosið, ÞAÐ ER KOMIN TÍMI TIL AÐ TRYLLA BÆINN, hvert sem maður fer innan bæjarmarkanna heyrir maður fólk tala um leikinn og spennan er mikil. Það er einfaldlega komin tími til að fá BIKARINN Í KRIKANN.

Ég vil hvetja alla sem vettlingi geta valdið, og einnig þá sem geta það ekki, til að mæta á völlinn, stríðsmálaðir og hvítir, og öskra úr sér lungun til að hvetja liðið. Fögnum öllum skotum sem við skjótum á markið, fögnum þegar við fáum innkast, tryllumst þegar við fáum hornspyrnu, gerum einfaldlega allt vitlaust og eignum okkur sjálfann þjóðarleikvanginn. Sjáum til þess að þegar fólk minnist á bikarúrslitaleikinn árið 2003 að fólk muni eftir gríðarlegum stuðningi FH-inga í stúkunni. Syngjum FH-lögin, tökum undir þegar trommurnar fara í gang og fáum Bikarinn í Krikann!!!!

Það vita allir hversu mikilvægir stuðningsmenn geta verið. Mætum hvítklædd í upphitun og gerum allt sem í okkar valdi stendur til að gera daginn sem bestan.

Klukkan 12 hittist yngri kynslóðin í Kaplakrika þar sem andlitsmálun fer fram og FH lögin verða æfð. Þaðan fer rúta á völlinn 13:15. Athugið að ókeypis verður í rútur.
Eldri FH-ingar mæta á Snóker sportbar (beint á móti Iðnskólanum) klukkann 11:00 og er tilboð á veigum fyrir þá sem mæta í FH-búning. Þar æfum við líka FH lögin og hitum okkur almennilega upp fyrir leikinn. Þar verður hægt að kaupa miða á leikinn og ókeypis rútuferðir verða kl. 13:15

Tryggvi Rafnsson

<< Eldri frétt Nýrri frétt >>

Staðan

Sæti	Félag	Stig
1.	FH	48
2.	Valur	32
3.	ÍA	32
4.	Keflavík	27
5.	Fylkir	26
6.	KR	25
7.	Grindavík	18
8.	ÍBV	17
9.	Fram	17
10.	Þróttur	16

Markahæstir

Tryggvi	16
Allan	13
Auðun	5

Síðustu leikir

Síðasti leikur

Fram - FH

Næsti leikur

Tímabilið búið í bili
2006	14:00
Kaplakriki

2004 This.is/FH

Hönnun: DesignEuropA