Sun 10.ágú 2003
Að sýna lit
Okkur hefur borist pistill frá Tryggva Rafnssyni þar sem FH-ingar eru hvattir til að sýna lit á leiknum í kvöld. Lesið og hlýðið.
Í dag er einn stærsti leikur sumarsins í Krikanum þegar Fylkismenn koma í heimsókn og þá þurfum við áhorfendur góðir að skila okkar hlutverki eins vel og mögulegt er. Það þarf engan meistara til að sjá það að FH-liðið spilar aldrei betur en þegar við látum í okkur heyra og í dag VERÐUM við að láta í okkur heyra! Til þess að skapa réttu stemminguna á vellinum þurfa allir að leggja sitt af mörkum, umgjörðin verður að vera flott! Það er ekkert flókið mál að búa til góða og flotta umgjörð, eina sem þarf er hvítar treyjur, svartar derhúfur, treflar, fánar, lúðrar, Hafnarfjarðarmafían og F-H öskrið, en umfram allt þá er það grundvallaratriði að mæta á völlinn og láta heyra í sér. Ef allir sem mæta á völlinn mæta í hvítum treyjum, með derhúfur eða fána þá lítur stúkan virkilega vel út og leikmennirnir fá auka orku til að skila sínu hlutverki vel. Það veit það hver maður sem tekið hefur þátt í einhverri keppni að ef einhver er að hvetja mann áfram og drífa mann áfram þá gefur maður aldrei eftir. Fylkisáhorfendur eru þekktir fyrir að láta vel í sér heyra og ekki fara appelsínugulu treyjurnar fram hjá manni, en nú er mál til komið að kveða þá í kútinn! Appelsínugula ,,veldið” skal verða sigrað!!!
Í dag verða allir sem vettlingi geta valdið að mæta á völlinn og styðja strákana fram í rauðan dauðann! Ég lofa ykkur því að leikmennirnir kunna að meta það. Kaplakrikinn er heimavöllurinn okkar og það er skylda okkar áhorfenda að láta leikmennina finna það að þeir eigi völlinn og að það sé ekki velkomið að fara burt með stig frá okkur! Eins og Guðjón Þórðarson sagði í Mogganum í gær: ,, ...Stuðningsmenn okkar þurfa að vera háværir og veita öflugan stuðning, því lið sem spilar á heimavelli án góðs stuðnings missir af miklu. Ef leikmenn fá öflugan stuðning hafa þeir meiri orku til að leika vel og skila sínu.”
MÆTUM Á VÖLLINN, Í HVÍTU OG LÁTUM Í OKKUR HEYRA.
ÁFRAM FH
Tryggvi Rafnsson
|
|
|
|
<< Eldri frétt Nýrri frétt >>
|
|
| Staðan |
| Sæti |
Félag |
Stig |
| 1. |
FH |
45 |
| 2. |
Valur |
32 |
| 3. |
ÍA |
26 |
| 4. |
Keflavík |
24 |
| 5. |
KR |
22 |
| 6. |
Fylkir |
20 |
| 7. |
Fram |
17 |
| 8. |
ÍBV |
17 |
| 9. |
Grindavík |
15 |
| 10. |
Þróttur |
10 |
|
| Markahæstir |
| Allan |
13 |
| Tryggvi |
13 |
| Auðun |
4 |
|
| Síðustu leikir |
|
| Síðasti leikur |
|
| Næsti leikur |
|
FH - Fylkir
|
| 11. sept. |
14:00
|
| Kaplakriki |
|
|
|
|
