Steven Lennon og Atli Guðnason Mynd: Jói Long
Nú fer senn að líða að lokum tímabilsins 2015, en einungis fimm leikir eru eftir af deildarkeppninni og því 15. stig eftir í pottinum.
Sem stendur hefur FH fjögurra stiga forskot á toppi deildarinnar og eftirleikurinn því aðeins í höndum okkar manna ætli þeir sér að taka þann stóra eftir nokkurra ára fjarveru.
Leikmennirnir inná vellinum geta þetta hinsvegar ekki einir síns liðs, heldur skiptir stuðningur frá ÖLLUM FH-ingum gríðarlega miklu máli.
Ég er þess fullviss um að ef við á pöllunum skilum okkar til leikmanna með góðum og jákvæðum stuðningi, þá borga leikmenn okkur það margfalt til baka með frábærum leik sínum inná vellinum eins og við þekkjum svo vel,
Koma svo FH-ingar fjölmennum og styðjum strákana í lokaumferðunum, en það er einnig rétt að minna fólk á að FH tekur á móti Víking kl. 18 í kvöld á heimavelli okkar í Kaplakrika!
Áfram FH!
