Fyrri lið: Dalvík
Frumraun með FH: FH - Fram (2:2) 15. febrúar 2001 (Deildarbikar) Logi Ólafsson fékk Atla Viðar til liðs við FH eftir að Atli hafði farið illa með FH-inga í deildarleikjum árið áður en hann skoraði bæði heima og heiman gegn þeim. Atli byrjaði með látum og skoraði fimm mörk í fyrstu fimm leikjum sínum með FH í deildarbikar 2001, m.a. þrennu í sínum öðrum leik. Hann meiddist illa í leik gegn ÍBV en þá slitnuðu krossbönd í hnénu á honum. Hann þurfti að fara í aðgerð og var skiljanlega lengi í gang. Hann var enn ekki orðinn jafngóður 2003 og áður en eins og hann segir sjálfur „ég á að vera orðinn nógu góður til að geta djöflast á því.“
Atli er fljótur og fylginn sér. Hann hefur skorað mikilvæg mörk, t.a.m. sigurmark FH gegn KR á KR velli í fyrstu umferð Íslandsmótsins 2004.