Nafn: Ásgeir Gunnar Ásgeirsson
Staða: Vörn/miðja
Fæddur: 3. júní 1980
Númer: 6
Fyrri lið: Stjarnan, lék með Maroondah Arrows í Ástralíu 1998-1999. Lék 2001-2002 með háskólaliði Furman University. Gekk til liðs við FH 2002.
Frumraun með FH: FH-Fylkir (0:3) 20. maí 2002.

Ásgeir er alinn upp hjá FH en fór eftir 3. flokk í Stjörnuna og þaðan á heimshornaflakk. Hann hefur leikið flestar stöður á vellinum en Ásgeir hefur mest leikið á miðjunni í seinni tíð. Ásgeir er geysilega fljótur og hefur ósjaldan hlaupið sóknarmenn sem komist hafa innfyrir uppi og stöðvað. Hann er með eindæmum skotfastur eins og sást best í leik FH gegn Þór á Akureyri í maí 2002 þegar hann skoraði með bylmingsskoti utan af velli í slána inn.
Þrátt fyrir ungan aldur hefur Ásgeir umtalsverða reynslu í efstu deild.

Stuðningsmannalag: (Riggarobb)
Ásgeir Gunnar Ásgeirsson er álíka fljótur og Ben Johnson
hann gæti hlaupið maraþon end'er hann FH-ingur