Firmakeppni FH

 Hér er riðlaskiptingin og niðurröðun leikjanna í Firmamótinu sem fram fer í Risanum á morgun.
Við hverjum alla til að mæta og hvetja sína menn.

Kvennalið FH lagði ÍBV af velli í Kórnum í dag. Lokatölur urðu 2-0, en þær Aldís Kara Lúðvíksdóttir og Hanna Gústvasdóttir skoruðu mörk FH sem var að leika afar vel með Silju Þórðardóttur í broddi fylkingar á miðjunni.

FH liðið leikur á morgun, fimmtudag, annan leik sinn í hinum frækna, deildarbikar. Næstu mótherjar okkar FH-inga er liðið sem er komið í úrslit Reykjarvíkurmótsins, Víkingar.

Knattspyrnudeild FH í samstarfi við KSÍ mun halda dómaranámskeið mánudaginn 1.mars kl.17.30. Gefur námskeiðið réttindi til þess að dæma sem "unglingadómari", en það er dómgæsla og aðstoðardómgæsla í yngri flokkum í fótbolta. Talsverð fríðindi fylgja því að hafa þessi réttindi en handahafar dómaraskírteinis fá frítt inná alla leiki í Íslandsmóti í  öllum deildum. Það er alltaf mikil þörf fyrir góða knattspyrnudómara og hverjum þeim knattspyrnumanni sem hyggst reyna að ná langt á knattspyrnuvellinum sjálfum er það hollt að setja sig í spor dómarans, þekkja knattspyrnulögin og þær forsendur sem dómarar byggja ákvarðanir sínar á.